la .lojban.

le se pixra

ni’o ko’a goi la’oi .DONTBURNMYTOAST. pixra le nu ga je…

  • la .vynk. noi ke’a se dalremnei la .varik. ku ku pilno fi lo nu ri te kacmyxra ko’a xi pa lo selbeifonxa clagaldi’u… poi ke’a cizra je poi la .varik. cu jinvi le du’u cumki fa lo nu zo’oi .Brutalist. mapti tu’a ke’a ku’o kei fe ko’a xi re goi le kacma pe le barda je ke lenjo ciste je le ri’usri pe le lanci be le ka ce’u tonsi gi ga je
  • trixe le kacma je le xadni be la .vynk. fa le menzi’u tsani je le tarci noi frili fa lo nu viska tu’a ke’a ku’o je le cmana jenai ke mutce be le ka gusni ce’u gi ga je
  • le xadni be la .vynk. cu traji le ka gusni ce’u gi ga je
  • ko’a xi re milxe le ka gusni ce’u gi ga je
  • ko’a xi pa cmalu le ka gusni ce’u kei je ku’i cu se gusni fi zo’e je le xunre poi ke’a .indika tu’a lo vinji gi
  • la .vynk. ku jgari le lenjo ciste joi kacma je se pilno be ri je cu catlu lo te gusni be le xadni be la .vynk. je cu flira cusku pe’a lo se du’u spaji la .vynk.

le smuni

ni’o ko’a srana le si’o ku’irni masti je le su’u cfari fa lo so’i nu vy goi la .varik. cu te kacmyxra lo broda cei ke selbeifonxa clagaldi’u ke’e noi ke’a cinri vy… kei kei je le su’u cinri vy fa lo tolci’i be lo so’i prenu jenai ke du be vy

.i ku’i vy jinvi le du’u le velski na prane le ka ce’u velcki le smuni be tu’a ko’a bei fi vy

.i vy jinvi le du’u ko’a re’enje ja cinmo se zbasu

tu’a le su’u vy te kacmyxra

ni’o vy jinvi le du’u li’armi fa le du’u ko’a srana le su’u vy te kacmyxra lo broda kei kei kei je le du’u smimlu le se pixra be ko’a fa lo so’i nu vy te kacmyxra lo broda

.i lo su’o nu vy te kacmyxra lo broda cu nu vy tirna tu’a lo co’e ja karce je cu kucli lo du’u xu kau toldji ja se jai se terpa tu’a lo nu te kacmyxra lo broda .i vy jimpe le du’u cizra fa lo nu se cinri zo’e ja lo broda kei je le du’u lo so’i prenu cu co’e ja terpa tu’a lo nu tarti lo cizra .i vy morji fi lo nu lo so’i prenu cu co’e ja jinvi lo du’u lo nu lo prenu cu se slabu tu’a lo skami cu jai .indika lo du’u ckape .i ku’i cnikansa fa la .varik.

tu’a le si’o ku’irni masti

ni’o vy jinvi ko’a xi no goi le du’u frili fa lo nu facki le du’u ko’a srana le si’o ku’irni masti ge’u fo zo’e joi le su’u ko’a pixra zo’e je le nu jorne le kacma fa le ri’usri poi ke’a co’e ja pixra le lanci be le ka ce’u tonsi

.i ku’i ji’a vy jinvi le du’u ko’a srana lo si’o lo prenu ku tarti tu’a ri je cu vilco lo ka ce’u cizra jenai cu selnei kei kei ku je le du’u ri srana le si’o ku’irni masti kei ni’i zo’e joi le su’u cizra fa lo nu ku’irni

.i ji’a vy jinvi le du’u lo so’i co’e ja mlezvi cu ku’irni… kei ku je le du’u cumki fa lo nu krinu tu’a ri fa lo nu lo prenu poi ke’a gasnu lo nu gubni fa lo du’u ke’a ku’irni cu vilco lo ka ce’u cizra

.i vy krici le du’u lo ro prenu cu prane lo ka ce’u tu’a ri tarti naja le ka ro da poi ke’a prenu zo’u ce’u prami da

tu’a le su’u se cinri lo tolci’i

ni’o vy jinvi le du’u cinri ri fa lo so’i brode cei ke tolci’i be lo so’i prenu jenai ke du be vy ke’e kei je le du’u lo broda cu mupli le ka ce’u brode je ku’i cu cinri vy

.i ku’i ji’a vy jinvi le du’u na cfila fa lo ka ce’u na selci’i lo cinri be vy .i lo ro prenu ku frica lo ro prenu jenai ke du be ri .i la’e di’u melbi vy .i vy du lo no prenu jenai ke du be vy

le se pilno be fi lo pu’u zbasu ko’a

ni’o vy pilno la’oi .Blender. je la’oi .Krita. je la’oi .GIMP. je la’oi .Inkscape. tu’a ko’a .i ji’a la .varik. cu pilno le kacmyxra tu’a le tarci

.i la .varik. cu pilno la’oi .GIMP. tu’a le kacmyxra lu’u je le pu’u vo’a zbasu fi le so’i calsamxra pixra fe le datnyvei poi pilno la’oi .Krita. tu’a ke’a

.i vy pilno la’oi .Blender. tu’a le tsautu je lo so’i na du be le xadni be la .vynk… be’o noi mupli tu’a ke’a fa le tsani

.i vy pilno la’oi .Krita. tu’a le xadni be la .vynk. lu’u je lo pu’u xagzengau pe’a le pixra be le tsani

tu’a la’oi .Blender.

ni’o vy pilno la’oi .Blender. tu’a lo so’i pagbu be ko’a .i vy nelci le su’u la’oi .Blender. cu jai filri’a zo’e je lo me’oi .perspective. co’e noi ke’a co’e ja nandu vy

.i le pu’u vy pilno la’oi .Blender. tu’a lo pagbu be ko’a be’o poi ke’a na pixra le tsani cu smimlu lo pu’u vy pilno la’oi .Blender. tu’a lo pixra jenai ke du be ko’a .i ku’i le pu’u pixra le tsani cu frica ni’i zo’e joi le su’u vy pilno ko’e goi le kacmyxra je ke se zbasu be lo prenu pe la’o glibau. National Park Service .glibau. be’o noi .urli tu’a ke’a fa zoi .urli. https://commons.wikimedia.org/wiki/File:Night_Sky_Over_Big_Meadows_(51834370543).jpg .urli. .i sa’u nai ru’e vy pilno la’oi .GIMP. lo nu vy zbasu fi ko’e fe ko’e goi lo srana be le tarci jenai zo’e kei ce’o cu pilno la’oi .Inkscape. lo nu vy zbasu fi ko’e fe ko’e goi lo zmadu be ri bei le ka ce’u pixra lo nu cukla fa le tarmi co’e… kei kei kei ce’o cu pilno la’oi .Blender. joi ko’e tu’a le calsamxra pixra .i vy na mutce le ka ce’u tolnei le jalge be la’e di’u kei je ku’i cu pilno la’oi .Krita. lo nu zengau pe’a le calsamxra pixra le ka ce’u pixra lo tarmi co’e je cukla

.i ji’a la’oi .Blender. jai pu’u vy zbasu le so’i calsamxra pixra noi lo mupli be tu’a ke’a cu frica lo mupli be tu’a ke’a le ka ce’u me’oi .sample. barda .i vy jinvi le du’u la’e di’u jai filri’a lo su’u zilsutra fa lo pruce be fi lo calsamxra pixra je ku’i se tcila

.i vy jinvi le du’u morji pe’a fi le bi xa versiio be ko’e goi le me’oi .Blender. datnyvei poi pilno ke’a tu’a ko’a kei je le du’u le versiio be ko’e be’o poi pilno ke’a tu’a ko’a cu baitni li ci bi pa so bi re mu pa

tu’a la’oi .Krita.

ni’o vy jinvi le du’u le pu’u pilno la’oi .Krita. tu’a ko’a cu smimlu le pu’u vy pilno la’oi .Krita. tu’a la’oi .MOUTHWASHJUKEBOXGASOLINE. .i ku’i vy morji tu’a lo vidnysle je ke baitni be li pa xa pi’i ci ja li pa xa pi’i vo

.i ku’i vy jinvi le du’u ga je la’oi .Git. morji pe’a fi lo vo no versiio be ko’e goi le me’oi .Krita. datnyvei poi pilno ke’a tu’a ko’a gi le du’u le versiio be ko’a be’o poi vy pilno ke’a tu’a ko’a cu baitni li bi mu no so vo pa ze vo je cu se pagbu lo xa bi pixra

le vrici

le plijaspu

ni’o la’oi .Unlicense. plijaspu ko’a

lo du’u xu kau jimpe

ni’o ko’a smimlu lo so’i se zbasu be vy ga je le ka vy kucli lo du’u xu kau jimpe fi ce’u fe lo prenu jenai ke du be vy gi le ka vy jinvi lo du’u na cfila fa lo ka ce’u na’e jimpe ja toltu’i fi tu’a ce’u

tu’a lo nu tcidu

ni’o vy jinvi le du’u na sarcu fa lo nu lo prenu jenai ke du be vy cu jundi ko’a ja le velski be ri

English

The Scene

“DONTBURNMYTOAST”, which is hereinafter denoted by “$S$”, depicts…

  • that (VUNC, which is the fursona of VARIK, uses (for that VUNC photographs a cell phone tower… (which is strange) $t$ such that VARIK opines that a thing which is possible is that “Brutalist” applies to $t$) a camera (with a large lens) which is connected to a strap which “depicts” the transgender flag),
  • that (a purple sky, stars which are easily seen, and a hill which is not very illuminated are behind the the camera and the body of VUNC),
  • that (the body of VUNC is most illuminated),
  • that (the camera-and-lens which is used by VUNC, is somewhat illuminated),
  • that (the the cell phone tower is barely illuminated but is illuminated by the red light which indicates for aeroplanes), and
  • that (VUNC holds the lens-and-camera (which is used by VUNC), looks at the source of the light (which illuminates the body of VUNC), and “has” a facial expression which indicates being confused).

The Meaning

$D$ is relevant to Pride Month, to that (a thing which is frequent is that VARIK photographs cell phone towers, which are interesting to VARIK), and that VARIK is interested by stuff which bores many prenu which are not VARIK.

But VARIK opines that the description does not perfectly explain the meaning (to VARIK) of $D$.

VARIK opines that $D$ is art.

Photographing

VARIK opines that a thing which is obvious is that $D$ is relevant to that (VARIK photographs cell phone towers). Additionally, VARIK opines that many events (of that VARIK photographs cell phone towers) resemble the scene which is depicted in $D$.

Some event of that VARIK photographs a cell phone tower is an event of that VARIK listens for cars or whatever and is curious about whether some prenu anti-desires or fears that VARIK photographs the cell phone tower. VARIK understands that (being interested by cell phone towers or whatever is weird) and that many prenu fear/whatever that prenu strangely act. VARIK remembers about events of that many prenu opine/whatever that being familiar with computer stuff indicates being dangerous. But VARIK empathises.

Pride Month

VARIK opines that a thing which is easy is discovering that $D$ is relevant to Pride Month. The reason for opining is relevant to that ($D$ depicts that the camera is connected to a strap which “depicts” the transgender flag).

Additionally, VARIK opines that $D$ is relevant to the idea of that (prenu behave authentically and are willing for being strange and-not liked). Additionally, VARIK opines that the idea is relevant to the idea of Pride Month. The reason for opining that the thing is relevant is relevant to that (being queer is weird).

Additionally, VARIK opines that many hackers and whatnot are queer. Additionally, VARIK opines that a thing which is possile is that the cause of being common is relevant to that (some prenu which are openly queer are willing for being weird).

VARIK believes that for all prenu $p$, if $p$ is perfectly authentic to $p$, then $p$ is perfect/maximal in the property of loving all prenu.

Being Interested by Stuff which is Uninteresting

VARIK opines that VARIK is interested by many things which bore many prenu which are not VARIK. Additionally, VARIK opines that cell phone towers are examples of stuff which is interesting for VARIK but is boring for many prenu which are not VARIK.

But VARIK opines that being uninterested by stuff which interests VARIK is not a flaw. For all prenu $p$, all prenu which are not $p$ differ from $p$. That (differing happens) is beautiful to VARIK.
VARIK is no prenu which is not VARIK.

The Process of Creating $D$

VARIK uses (for $D$) Blender, Krita, GIMP, and Inkscape. Additionally, VARIK uses a photograph which depicts stars.

VARIK uses (for the photograph and for creating (from many renders) the file which is used with Krita) GIMP.

VARIK uses (for the sketch and for many things which are not the body of VUNC) Blender. The sky is an example of a thing which is not the body of VUNC.

VARIK uses (for the body (of VUNC) and for “improving” the depiction of the sky) Krita.

Blender

VAIRK uses (for many parts of $D$) Blender. VARIK likes that Blender facilitates perspective stuff, which is difficult/whatever for VARIK.

The process (of that VARIK uses (for the parts of $D$ which are not depictions of the sky) Blender) resembles the process of that VARIK uses (for images which are not $D$) Blender. But the process of depicting the sky differs; VARIK uses a photograph which is created by a prenu of the National Park Service. “https://commons.wikimedia.org/wiki/File:Night_Sky_Over_Big_Meadows_(51834370543).jpg” is the URL of the Web page regarding the photograph. VARIK uses (for “converting” (into a thing (which depicts the stars and-not whatnot) (which is hereinafter denoted by “$x_0$”)) the photograph) Inkscape. VARIK uses (for “converting” (into a thing (which exceeds in depicting that the stars are round) $x_0$) (which is hereinafter denoted by "$x_1$)) GIMP. VARIK uses (for the renders) $x_1$ and Blender. VARIK is not extreme in disliking the result of using the star photograph. But VARIK uses (for “increasing” in depicting that the stars are round) Inkscape.

Additionally, the process of using Blender is a process of creating many renders. Some renders differ in sample count. VARIK opines that using many renders facilitates quickly creating images which are detailed.

VARIK opines that 86 versions of the Blender file which is used for $D$ are “remembered”. Additionally, VARIK opines that 38198251 is the byte-based size of the byte-based size version (of the Blender file) which is used for $D$ .

Krita

VARIK opines that the process of using (for $D$) Krita resembles the process of using (for “MOUTHWASHJUKEBOXGASOLINE”) Krita. But VARIK remembers to use 16-bit precision.

But VARIK opines that Git “remembers” about 40 versions of the Krita file which is used for $D$. Additionally, VARIK opines that (85094174 is the byte-based size of the Krita file) and that the file “contains” 68 layers.

The Miscellaneous

The Licence

The Unlicence is the licence of $D$.

Whether the Thing is Understood

VARIK resembles many things which are created by VARIK; VARIK is curious about whether prenu which are not VARIK understand about $D$. Additionally, $D$ resembles in that VARIK opines that not-understanding or disagreeing about $D$ is not a flaw.

Reading

VARIK opines that a thing which is not necessary is that a prenu which is not VARIK attends to $D$ or to the description of $D$.